Aktori i njohur kosovar Çun Lajçi, tashmë disa herë ka reaguar lidhur me proceset politike në vend, duke iu drejtuar liderëve politikë me mesazhe e poezi.
Kësaj radhe përmes një postimi në “Facebook” iu ka drejtuar kryetarit të PDK-së, Kadri Veseli, duke i propozuar që deputetja e PDK-së, Blerta Deliu-Kodra t’ia recitojë një poezi kryetarit të saj, në mënyrë që ta kuptojnë se çka është përmbytja e Varkës Noes!
Kjo është porosia dhe poezia e Çun Lajçit:
Z.Kadri Veseli,
Blerta Deliut (artistes papagall pa skenë) ma mirë i bjen me ta recitue këtë poezi- se ndoshta e kuptoni ç’asht Varka e Noes!
Ju,
Fjala e numrat
Ju fjalët i keni ato të vjetrat,
Pa numra e lëkura
Vetëm këmishat i keni zbardhue
N’vend të fytyrave,
E premtoni dhamë qumështi
Në nofullat e thyeme grushtash
Nga duert tueja ‘ të pastërta ‘
Tupanat i rrehni
Për t’qenë e ardhmja jonë
E mjerë.
Unë s’kam fjalë t’bukura
Si Ju
Kam rrudha, ku muj me mshef
Fytyrën time të skuqun
Nga mashtrimet tuaja
T’vjetra-t’reja! /Telegrafi/