Sulmuesi i Juventusit, Cristiano Ronaldo thuhet se nuk është i interesuar të transferohet te ish-klubi i tij, Manchester Unitedi.
Emri i yllit portugez ka qenë shumë i përfolur ditëve të fundit rreth një largimi nga Juventusi, pasi ai dhe klubi nuk po arrijnë synimet e vëna.
Ronaldo u lidh edhe me një rikthim në Old Trafford te Unitedi, por si duket ky rikthim në është në mendjen e tij.
Ai është plotësisht i përqendruar në përfundimin e kontratës së tij në Juventus dhe nuk ka asnjë interes për t’u kthyer te Unitedi.
Është mediumi spanjoll AS që ka raportuar se sulmuesi portugez nuk është i interesuar të kthehet në Old Trafford.
Njerëzit e Ronaldos thonë se preferenca e tij është të qojë deri në fund kontratën në Torino, e cila zgjat deri në vitin 2022, ndërsa në rast largimi transferimi më i mundshëm do të ishte te Paris Saint Germain. /Telegrafi/