Cristiano Ronaldo është rikuperuar plotësisht nga një dëmtim në gju, duke arritur të shënojë dy herë në fitoren e Juventusit me rezultat 3-1 ndaj Udineses.
Zonja e Vjetër tani së bashku me Interin, janë në krye të renditjes me nga 39 pikë në ndjekje të Scudettos.
Me dy golat e shënuar Ronaldo theu edhe një tjetër rekord, duke qenë i vetmi që ka shënuar mbi 10 gol në 15 sezonet e fundit.
Por Ronaldo u vlerësua për një gjest tjetër, që e bëri gjatë lojës kur iu dorëzua emblema e kapitenit nga Gonzalo Higuain.
10 – Cristiano #Ronaldo (now 11 goals) is the only top-5 European player able to score at least 10 goals in all the last 15 campaigns (since 2005/06, all competitions). Incessant. #JuveUdinese pic.twitter.com/fosplYHMYz
— OptaPaolo (@OptaPaolo) December 15, 2019
Argjentinasi u zëvendësua pak para mbylljes së ndeshjes me Douglas Costas dhe e mbante shiritin e kapitenit, që e kishte marr nga Leonardo Bonucci, i cili ishte larguar më herët nga loja.
Por në vend që ta vendoste në fanellën e tij, Ronaldo e mori shiritin dhe ia vendosi në dorë Blaise Matuidi, një shenjë e të kuptuarit të tij për hierarkinë në dhomën e veshjes te Juve.
Matuidi u ndje i nderuar nga gjesti i Cristiano Ronaldos, duke postuar edhe një foto në rrjetet sociale.
“Klas botërore. Faleminderit për këtë nderim”, ka shkruar francezi.
World class 🙌🏾❤️ Grazie per questo onore @Cristiano @juventusfc ⚪️⚫️ #legend #JuveUdinese pic.twitter.com/stHergod34
— Blaise Matuidi (@MATUIDIBlaise) December 15, 2019
Kapiteni i Juves, Girgio Chiellini, ka qenë jashtë fushave këtë vit dhe për shumë ndeshje ka qenë Bonucci ai që e ka udhëhequr ekipin në fushë. /Telegrafi/