Jo shumë minuta brenda pjesës së dytë, Cristiano Ronaldo heshti stadiumin Parc des Princes duke i shënuar gol Paris Sant-Germainit.
U shënuan edhe dy gola të tjerë, një nga vendasit dhe një tjetër nga Los Blancos, dhe Real Madridi u kualifikua në çerekfinale të Ligës së Kampionëve
Por, goli i portugezit shënonte një tjetër rekord të tij – ai ka realizuar në secilën ndeshje të Ligës së Kampionëve deri më tani këtë sezon.
Nëse ia shtojmë edhe shënimin në finale të sezonit 2016/2017, Ronaldo e ka barazuar rekordin e Ruud van Nistelrooyt duke shënuar në nëntë ndeshje radhazi.
CR7 vazhdon të jetë lojtari kryesor në Ligën e Kampionëve, ku ka shënuar 117 gola deri më tani dhe është në formë fantastike në momente vendimtare në këtë sezon.
Ai i ka shënuar 15 gola në nëntë ndeshjet e fundit në të gjitha garat me Real Madridin, ndërsa 12 gola i ka realizuar këtë edicion në Ligën e Kampionëve.
Edhe pse është 33-vjeçar, së bashku me Lionel Messin, vazhdojnë të jenë më të mirët e futbollit modern. /Telegrafi/