Lionel Messi i vetëm nuk mund ta fitojë Kampionatin Botëror.
Kështu mendon ish-sulmuesi i Kombëtares së Argjentinës, Hernan Crespo.
42-vjeçari ka folur pas ndeshjes së Kombëtares së tij përballë Islandës, ku argjentinasit u ndalën në barazim 1-1.
Ish-anëtari i disa skuadrave të mëdha evropiane si Milan, Inter, Lazio e Chelsea ka thënë se Messi i vetëm nuk mund ta fitojë Botërorin.
“Messi e kishte notën pesë dhe nëse do të shënonte nga penalltia do ta kishte gjashtë. Patjetër që prej tij pritet më shumë”, tha Crespo.
“Leo nuk është Maradona, i vetëm nuk mund ta fitojë Kampionatin Botëror, këtë gjë duhet ta kuptojnë njëherë e mirë të gjithë argjentinasit”, ka thënë Crespo.
Crespo ka thënë se Messi nuk u ndihmua fare nga pjesa tjetër e skuadrës.
“Ai është fenomen nëse i ka kushtet e duhura si te Barcelona, në të kundërtën edhe ai vuan”.
“Kush e ndihmoi atë kundër Islandës? Mesfushorët nuk e mbështetën aspak Messin, ndërsa Di Maria nuk e kaloi asnjëherë kundërshtarin. Mos prisni që vetëm Messi mund ta fitoj botërorin”, përfundoi Crespo.
Argjentina barazoi me Islandën 1-1, ku golin e vetëm për argjentinasit e shënoi Sergio Aguero. /Telegrafi/
