Superylli portugez, Cristiano Ronaldo, duhet të mendojë mirë nëse dëshiron t’i shënojë gol Islandës në ndeshjen e Kampionatit Evropian.
Hafthor Bjornsson, i cili luan rolin ‘The Mountain’ në seritë “Game of Thrones”, e ka kërcënuar 31-vjeçarin se do t’ia ndrydhë kafkën nëse i shënon përfaqësueses së tij.
“Emri im është Hafthor Bjornsson, nga Islanda. Unë jam ‘The Mountain’ nga ‘Game of Thrones’. Kam një mesazh për Cristiano Ronaldon”.
“E di se do të luash kundër Islandës në ndeshjen e parë. Nëse guxon të shënosh gol ndaj bashkëlojtarëve të mi, do të të gjej dhe do ta shtyp kokën ashtu siç ia kam bërë Red Viper”, thotë Bjornsson në një video-mesazh.
Portugalia dhe Islanda bëjnë pjesë në Grupin F të ‘Euro 2016’, ku luajnë edhe Austria dhe Hungaria. /Telegrafi/
https://www.youtube.com/watch?v=RWSyD3BKToE