Reperi kosovar i është rikthyer llogaria në rrjetin social Instagram.
Ashtu siç kishim paralajmëruar Telegrafi ditë më parë, Cozmanit i është kthyer adresa në Instagram.
E gjithë kjo në saje të kompanisë AVD Digital, e cila ka bërë të ditur se i ka verifikuar edhe llogarinë në mënyrë zyrtare.
Ndryshe, Cozman nuk ka qenë shumë aktiv në rrjetet sociale në ditët e fundit qysh pas incidentit me Noizyn, duke preferuar të mos flasë për ngjarjen teksa hetimet vazhdojnë ashtu sikurse kërcënimet sporadike nga OTR.
Ai ishte 48 orë në paraburgim teksa ende i ka të konfiskuar gjërat e tij, sipas avokatit Asdren Hoxha.
Dhe këtë kohë ai ka shfrytëzuar që t’i kanalizojë punët në aspektin profesional, ku së shpejti pritet lansimi i këngës së re dhe verifikimi i një tjetër rrjeti social, Instagramit. /Telegrafi/
