Reperi i Babastars, Cozman, ka pasur fjalën e tij në debatin e fundit kontravers për atë se kush është me Shqipërinë dhe kush me Kosovën dhe a duhet të ketë rol Shqipëria në Kosovë.
Reperi i cili në moshën e hershme u zhvendos me prindërit në Londër, ku edhe u rrit për t’u kthyer një dekadë më vonë në Kosovë për të zhvilluar aktivitetin muzikor, nuk ndihet aspak londinez, shkruan Telegrafi.
Ai ka postuar një foto në rrjetin social Instagram, ku shihet se është në një ambient tradicional.
“Made in Kosova”, ka shkruar Cozman në Instagram, duke shprehur përkrahjen për vendin e tij, pa ndjenjë për Londrën.
Reperi së fundmi lansoi projektin “Aviona” mjaft i suksesshëm me Onatin, teksa ai ka gati edhe projektin e ri me Skivin që lansohet këto ditë. /Telegrafi/