Vaksina e Moderna Inc kundër coronavirusit nuk do të autorizohet për përdorim përpara zgjedhjeve presidenciale të SHBA-së.
Sipas medieve të huaja, përcjell Telegrafi, shefi ekzekutiv i kompanisë, Stephane Bancel, tha se vaksina do të jetë e gatshme në SHBA, gjatë muajit mars dhe prill.
Administrata e Ushqimit dhe e Barnave (FDA), nuk pritet të autorizojë përdorimin e saj emergjent më herët se data e 25 nëntorit.
Vaksina e Modernas ishte e para në botë që pati filluar fazën e parë të testimit tek njerëzit. E njëjta është edhe në fazën e saj përfundimtare, dhe më kritike.
Gara për lansimin e vaksinës kundër coronavirusit ka qenë një çështje përçarëse midis dy kandidatëve të zgjedhjeve presidenciale.
Ajo kishte një rëndësi të konsiderueshme në debatin e së martës midis presidentit amerikan Donald Trump, dhe kandidatit të demokratëve Joe Biden.
Trump pati insistuar se vaksina do të jetë e gatshme përpara zgjedhjeve të 3 nëntorit. /Telegrafi/