Sot në ditën botërore të Infermierëve, Italia regjistron 12 mijë infermierë të infektuar e 39 viktima nga coronavirusi, 4 prej të cilëve janë vetëvrarë nga gjendja e rënduar psikologjike në përballimin e rrezikut e të infektimit nga pandemia.
COVID-9 ka shënuar në Itali dhe 162 viktima mjekë e mbi 25 mijë të infektuar në radhët e këmishave të bardha.
Në 24 orët e fundit Italia ka regjistruar 172 viktima më shumë e numri total i tyre ka arritur në 30,911.
Numri i personave aktual pozitiv me coronavirus në Itali është reduktuar sot në 81,266. Ndërsa numri total i të infektuar që nga nisja e pandemisë e deri më sot është 221,216.
Numri i pacientëve të shëruar është rritur në 109,039 e në 24 orët e fundit janë 2,434 pacientë të shëruar më shumë.
Në repartet e terapisë intensive numri i të sëmurëve me COVID-19 është ulur në 952.
Në Itali deri më sot janë kryer 2,673,655 testime. /Telegrafi/