Juventusi ishte dëmtuar rëndë nga gjyqtari kryesor i takimit në minutat e fundit të sfidës pasi refuzoi të akordonte penalti pas ndërhyrjes me dorë në zonë nga një futbollist kundërshtar.
“Gjyqtari duhet të jap përgjegjësi. Edhe një njeri i verbër do të kishte parë lojën me dorë nga Granqvist. Në këto raste, ju duhet t’ua merrni licencën gjyqtarëve. Unë nuk mund të toleroj atë që ndodhi. Edhe gjyqtari prapa golit tha se ishte penalti. Në këto raste t’i them ‘të të vijë turp’ është gjëja më e vogël që kam mundur të bëj”.
“Unë mund të pranoj nëse ata thonë se nuk e kanë parë incidentin, por kur dëgjoj gjyqtarët që thonë se nuk kanë ndjerë se është dashur të jetë penalti, kjo nuk është normale. Kjo nuk është futboll”.
“Që një kohë të gjatë ne kemi qenë të zhytur në akuza për përkrahje nga gjyqtarët, por tani po bëhen tepër raste që janë kundër nesh. Te Parma thonë se Juventusi gjithmonë ankohet për gjyqtarët, por tani incidentet ndodhin për të gjithë”.
“Tani nuk dua të dëgjoj mediat duke mi thyer ‘topat’ për gabime pro-Juves apo anti-Juves, sepse gabimet ndodhin ndaj secilit klub në secilin vend”, është shprehur i zemëruar Conte. /Telegrafi/