Antonio Conte po ia vështirëson vetes punës në zgjatjen e kontratës me klubin e Chelseat.
Trajneri italian ka kritikuar menaxhmentin e bordit të klubit duke thënë se ata dyshojnë në suksesin e strategut dhe ambiciet.
Ish-futbollisti i Juventusit ka folur para takimit të së nesërm me Manchester Cityn, ku Chelsea është mysafirë i liderit aktual të Ligës Premier.
“Kam ambicie të madhe, por nuk kam para për të shpenzuar”, shkruan Independent të ketë thënë 48-vjeçari.
“Klubi i di shumë mirë ambiciet dhe idenë time. Kjo është e qartë. Kur të vendosni të punoni me trajner të tillë, duhet ta kuptoni se merrni një trajner me ambicie të madhe. Jo dështak, por fitues”, ka shtuar ai.
Kohët e fundit italiani është në qendër të kritikave pas rezultateve të dobëta në kampionatin elitar anglez pas një sezoni të kaluar kur u shpallën kampion.
Ndryshe, Chelsea zë pozitën e pestë të renditjes tabelore me 53 pikë, e cila gjë për momentin e lë jashtë kualifikimit në Ligën e Kampionëve. /Telegrafi/