Antonio Conte ka parë përmirësime të konsiderueshme në mentalitetin e Interit pas fitores në miqësore ndaj Paris Saint-Germain.
Nerazzurët barazuan 1-1 në kohën e rregullt me parisienët, por fituan me anë të penalltive, pasi ishin më të saktë.
Kjo fitore ka bërë që trajneri i Interit, Conte, të deklaroj se ka parë përmirësime tek skuadra e tij.
“Me siguri që jam shumë i lumtur dhe besoj se duke parë ndeshjen në përgjithësi, absolutisht nuk e merituam një humbje”, ka thënë fillimisht Conte për Inter TV.
📸 | PHOTO GALLERY
The best shots from #PSGInter, direct from Macao!
👉 https://t.co/OOEtxoMXm0#InterOnTour #ForzaInter pic.twitter.com/xacbTQf1Q3
— Inter ⭐⭐ (@Inter_en) July 27, 2019
“Përveç rezultatit, unë duhet ta vlerësoj performancën dhe të jem i sinqertë, vazhdoj të shoh përmirësime të rëndësishme në mentalitetin e këtyre djemve, dëshirën e tyre për të luajtur futboll, sulmojnë kundërshtarin në pjesën e tyre dhe fitojnë topin shpejt kur e humbim”.
“Ky është një aspekt shumë, shumë pozitiv sa i përket kësaj. Të rinjtë po punojnë shumë dhe kjo më jep entuziazëm për të vazhduar përgjatë kësaj rruge”.
“Isha gjithashtu i kënaqur që ata bënë presion deri në fund, sepse ne shënuam në fund dhe pastaj fituam penalltitë. Ne nuk duhet të vendosemi kurrë për humbje, madje as në miqësore apo në penallti”.
“Qëndrimi që duhet të kemi është se ne luftojmë për fitore deri në fund”, përfundoi trajneri i Interit. /Telegrafi/