Antonio Conte ka insistuar se skuadra e tij nuk e ka fituar ende titullin dhe se në garë për të janë plot gjashtë skuadra.
Chelsea është duke përjetuar një sezon të madh në krye me italianin Antonio Conte, pasi janë duke kryesuar Ligën Premier me 59 pikë apo nëntë më shumë se ndjekësi i parë, Tottenhamit.
Megjithatë, sipas Contes, është shumë gabim nëse futbollistët e tij mendojnë se titulli është fituar tani, pasi gara për titull është ende e fortë dhe konkurrojnë edhe Manchester City, Liverpooli, Arsenali dhe Manchester Unitedi.
“Sinqerisht, unë mendoj se janë gjashtë ekipe vërtetë të forta që mund të luftojnë për të fituar titullin, dhe ne duhet të dimë këtë”, ka thënë fillimisht Conte, përcjell Telegrafi.
“Nëse ne mendojmë se jemi shumë afër për të fituar titullin, sepse ne kemi nëntë pikë më shumë, ky është një gabim i madh”, përfundoi trajneri i ‘Bluve’. /Telegrafi/