Trajneri i Porto, Sergio Conceiçao refuzoi të shtrëngonte duart me homologun e tij të Interit, Simone Inzaghi, pas barazimit 0-0 në Estadio Do Dragao të martën, që e lejoi skuadrën italiane të kualifikohet në çerekfinale të Ligës së Kampionëve.
Është hera e parë në 12 vjet që Nerazzurët arrijnë të shkojnë përtej raundit të së tetës së finales në garën elitare për klube në Evropë. Interi kishte fituar ndeshjen e parë me rezultat 1-0 në Stadio Meazza falë Romelu Lukakut.
Ish-anësori i tyre Conceiçao, tani në krye të Portos, ishte i hidhëruar pas fishkëllimës së fundit të martën dhe nuk pranoi të shtrëngonte duart me Inzaghin.
Il Corriere dello Sport shpjegon se ish-reprezentuesi portugez mund të mos e ketë vënë re trajnerin italian që i afrohej dhe u fut me shpejtësi brenda tunelit pas ndeshjes.
Kishte tension para, gjatë dhe pas ndeshjes, me mbi 10000 tifozë të Interit që nuk u lejuan brenda stadiumit pasi kishin blerë bileta edhe në pjesën ku gjendeshin tifozët e Portos. /Telegrafi/
Porto coach Sérgio Conceição refused to shake hands with Simone Inzaghi after last nights match. [@CorSport] #Inter pic.twitter.com/wNyURaFFBw
— Italian Football News 🇮🇹 (@footitalia1) March 15, 2023