Cole Palmer befason të gjithë me përgjigjen e tij nëse Chelsea është në garë për titul

Chelsea ka marrë një tjetër fitore spektakolare këtë sezon në Ligën Premier, teksa të dielën ka mposhtur Aston Villën me rezultat 3-0.

Cole Palmer i Chelsea ka minimizuar shanset e ekipit të tij për titull, pavarësisht fitores së tyre mbresëlënëse ndaj Aston Villas.

Kur u pyet nëse Chelsea është pretendent për titull, Palmer u përgjigj: “Jo, është shumë herët”, deklaroi ylli anglez i Chelseat.

Komentet erdhën pasi ai shënoi një gol të bujshëm dhe asistoi në fitoren ndaj Aston Villas.

Performanca mbresëlënëse e Palmer e ndihmoi Chelsean të siguronte një fitore bindëse, por ylli anglez mbetet i kujdesshëm në lidhje me aspiratat e skuadrës së tij për titull.

Aktualisht Chelsea ndodhet në vendin e tretë në tabelë me 25 pikë, sa ka edhe Arsenali i dyti derisa janë nëntë pikë mbrapa liderit Liverpool. /Telegrafi/