Aktivistja iraniane për të drejtat e grave, Narges Mohammadi është fituesja e Çmimit Nobel për Paqe këtë vit.
Komiteti thotë se ajo mori çmimin për avokimin e saj kundër shtypjes së grave në Iran dhe përpjekjet e saj për promovimin e të drejtave të njeriut dhe lirisë për të gjithë, transmeton Telegrafi.
BREAKING NEWS
The Norwegian Nobel Committee has decided to award the 2023 #NobelPeacePrize to Narges Mohammadi for her fight against the oppression of women in Iran and her fight to promote human rights and freedom for all.#NobelPrize pic.twitter.com/2fyzoYkHyf— The Nobel Prize (@NobelPrize) October 6, 2023
Narges Mohammadi është një aktiviste iraniane dhe nënkryetare e Qendrës së Mbrojtësve të të Drejtave të Njeriut, e cila u themelua nga nobelistja, Shirin Ebadi.
Mohammadi ka marrë disa dënime me burg që nga viti 2011 dhe aktualisht po mbahet në burgun famëkeq Evin të Teheranit për kinse “përhapje propagande”.
Duke i dhënë çmimin, komiteti Nobel tha se “lufta e guximshme e Mohammadit ka ardhur me kosto të jashtëzakonshme personale”.
“Gjithsej, regjimi e ka arrestuar 13 herë, e ka burgosur pesë herë dhe e ka dënuar me gjithsej 31 vjet burg”, tha Berit Reiss-Andersen, kryetarja e Komitetit Norvegjez të Nobelit në Oslo.
“Narges Mohammadi është ende në burg”, shtoi ajo.
Reiss-Andersen tha se shpreson që Irani do ta lirojë Mohammadin nga burgu në mënyrë që ajo të marrë pjesë në ceremoninë e marrjes së këtij çmimi në dhjetor.
