Çmimi Nobel për Paqe iu dha një grupi japonez të të mbijetuarve të bombardimeve atomike në Hiroshima dhe Nagasaki.
“Komiteti Nobel dëshiron të nderojë të gjithë të mbijetuarit, të cilët, pavarësisht vuajtjeve fizike dhe kujtimeve të dhimbshme, kanë zgjedhur të përdorin përvojën e tyre të kushtueshme për të kultivuar shpresën dhe angazhimin për paqen”, tha Jorgen Watne Frydnes, kryetar i Komitetit Norvegjez të Nobelit.
Organizata, emri i plotë i së cilës është Konfederata Japoneze e Organizatave të të vuajturve nga bomba A dhe H, u themelua në vitin 1956 nga njerëz të prekur nga dy sulmet me bomba atomike të SHBA-së në Hiroshima dhe Nagasaki, të njohur në japonisht si “hibakusha”.
Bëhet e ditur se ata ishin nominuar më parë për Çmimin Nobel për Paqen në vitet 1985, 1994 dhe 2015, shkruan euronews, përcjell Telegrafi.
Çmimi Nobel për Paqe u dha në një sfond të konflikteve shkatërruese që po shpërthejnë në botë, veçanërisht në Lindjen e Mesme dhe Ukrainë.
BREAKING NEWS
The Norwegian Nobel Committee has decided to award the 2024 #NobelPeacePrize to the Japanese organisation Nihon Hidankyo. This grassroots movement of atomic bomb survivors from Hiroshima and Nagasaki, also known as Hibakusha, is receiving the peace prize for its… pic.twitter.com/YVXwnwVBQO— The Nobel Prize (@NobelPrize) October 11, 2024
Alfred Nobel deklaroi në testamentin e tij se çmimi duhet të jepet për “punën më të madhe ose më të mirë për vëllazërinë midis kombeve, për heqjen ose zvogëlimin e ushtrive në fuqi dhe për mbajtjen dhe promovimin e kongreseve të paqes”.
Siç raportohet, që nga viti 1901, janë dhënë 104 Çmime Nobel për Paqe, kryesisht për individë, por edhe për organizata që janë parë të avancojnë përpjekjet për paqe.
Çmimi i vitit të kaluar shkoi për aktivisten iraniane të burgosur Narges Mohammadi për mbrojtjen e të drejtave të grave dhe demokracisë dhe kundër dënimit me vdekje. /Telegrafi/