Katalin Kariko nga Hungaria dhe Drew Weissman nga Shtetet e Bashkuara fituan Çmimin Nobel të Mjekësisë të hënën për punën në teknologjinë e mRNA që hapi rrugën për vaksinat kundër Covid-19.
Dyshja, të cilët ishin cilësuar si të preferuarit, u nderuan “për zbulimet e tyre në lidhje me modifikimet që mundësuan zhvillimin e vaksinave efektive mRNA kundër COVID-19”, tha juria, shkruajnë mediat e huaja, përcjell Telegrafi.
“Laureatët kontribuan në shkallën e paprecedentë të zhvillimit të vaksinave gjatë një prej kërcënimeve më të mëdha për shëndetin e njeriut në kohët moderne”, është thënë më tej.
Dyshja do të marrin çmimin e tyre, të përbërë nga një diplomë, një medalje ari dhe një çek 1 milion dollarë, në një ceremoni zyrtare në Stokholm më 10 dhjetor, në përvjetorin e vdekjes së shkencëtarit Alfred Nobel në vitin 1896.
Sezoni i Nobelit vazhdon këtë javë me shpalljen e fituesve të çmimit të Fizikës të martën dhe çmimit të Kimisë të mërkurën. /Telegrafi/