Lajmin sot e publikoi gazeta "Utrinski vesnik" e Shkupit, duke shtuar se 460 minatorë nisen në shtëpi, ndërsa në punë do të mbeten vetëm tetëdhjetë të punësuar për shkak të mirëmbajtjes.
Arsyet për gjendjen e këtillë qëndrojnë në çmimin jashtëzakonisht të ulët të bakrit në bursat botërore.
Udhëheqësia dhe Sindikata janë në kuvendim të vazhdueshëm dhe pritet që së shpejti në pajtim me Marrëveshjen kolektive, t`i përfundojnë negociatat lidhur me kriteret rreth asaj se cilët persona do të ngelin në punë, e cilët do të shkojnë në shtëpi, shkruan gazeta.
"Siç qëndrojnë punët, nuk shikojmë rrugëdalje tjetër përveçse t`i vendosim dry derës dhe të presim kohëra më të mira për bakrin. Sot çmimi i bakrit në bursën botërore është më i ulët në dekadën e fundit dhe arrin vetëm 3.150 dollarë për një ton. Ndërsa gjithçka nën 4000 dollatë është punë me humbje", shprehet Nikollajço Nikollov, zëvendës-drejtor i përgjithshëm.
Ai thekson se në tërë situatën nuk mund të ndihmojë as shteti, meqë nuk ka fuqi për të ndikuar pozitivisht në gjërat.
"Nëse e mbyllim minierën, që është mësa e sigurtë, tashmë prej Vitit të Ri, të punësuarve do t`u paguajmë nga një rrogë si kompensim, si dhe dy rroga në rolin e afatit të përjashtimit që doemos duhet ta respektojmë", pohon Nikollov.
Menaxhmenti është i vetëdijshëm se zgjidhja më e mirë është që miniera të punojë, por për këtë nuk ekziston kurrfarë mundësie.
Sipas Nikollovit, menaxhmenti ka qenë i vetëdijshëm se zgjidhja më e mirë është miniera të punojë, por për këtë nuk ka ekzistuar kurrfarë mundësie.