Çmimet e derivateve të naftës vazhdojnë të pësojnë rënie, megjithatë çmimi transportit vazhdon të mbetet i lartë. Edhe përkundër të gjithë kësaj, çmimet e kompanive të taksive dhe autobusëve nuk kanë ndryshuar fare.
Disa taksistë për Televizionin Shenja, madje deklarojnë se ende duhet të ngritet çmimi i udhëtimit me taksi, pasi sipas tyre, është rritur kostoja e jetesës në vend.
“Nuk është real ky çmim, duhet të jetë më i lartë, sepse nuk mund të mbulohet, me 50 denarë fillimi, 30 km nuk mund të mbulohet, duhet të jetë më shtrenjtë”, shprehet një taksist.
Ndërsa për disa taksistë tjerë, çmimi momental është real.
“Unë sa e di, qe 7 vjet jam këtu edhe 8 vjet më parë, ky çmim ka qenë i njëjtë gati 20 vjet, ndërsa sipas çmimeve tjera, siç janë pjesët, autolarjet, mekanikëve, duhet të jetë deri dikun real, por sërish deri dikund i mbulojmë harxhimet, me këtë çmim tash si e kemi, se përndryshe me ulë çmimin ne, nuk kemi llogari aspak”, shprehet një tjetër.
Përndryshe, në kryeqytet po krijohet rrëmujë, pasi ende mungojnë transprotuesit privat, e kjo ka detyruar shumë qytetarë të udhëtojnë me taxi, pasi vonohen në punë, terminin që kanë në spital, shkolla dhe tjera.
