Mbrëmë janë zhvilluar shtatë ndeshje në ligën më të fortë të basketbollit në botë.
Los Angeles Lakers duket se do të mbeten jashtë garave të “play-off” të këtij viti në NBA.
Lakersat kanë pësuar edhe një humbje nga rivali lokal i Los Angeles Clippers me rezultat 113:105.
Çereku i dytë dhe i tretë ishte fatal për vendasit, të cilët nuk arritën të përmbysin epërsinë e mysafirëve.
Basketbollisti më efikas në radhët e Lakersave ishte LeBron James me 27 pikë gjersa tre më pak i shtoi edhe Rajon Rondo, i cili regjistroi “triple-double” në saje edhe të dhjetë kërcimeve dhe 12 asistimeve.
Në radhët e Clippersave më i miri në parket ishte Danilo Gallinari me 23 pikë ndërsa dy më pak i pati edhe Lou Williams.
Pas kësaj, Clippersat zënë vendin e shtatë të renditjes tabelore të Konferencës Perëndimore gjersa Lakers gjenden në pozitën e dhjetë. /Telegrafi/
Rezultatet tjera:
Brooklyn 127:88 Dallas
Miami 114:113 Atlanta
San Antonio 104:103 Denver
Phoenix 114:105 Milwaukee
Utah 112:115 New Orleans
Sacramento 115:108 New York