Presidenti i Republikës së Kosovës, Hashim Thaçi, e ka uruar ish-presidentin amerikan, Bill Clinton, me rastin e ditëlindjes së tij.
Përmes një postimi në Facebook, Thaçi ka thënë se bëhet fjalë për njeriun i cili përjetësisht do të mbetet në kujtesën dhe historinë botërore për kontributin e dhënë për lirinë dhe pavarësinë e Kosovës.
“Presidenti i 42-të, i Shteteve të Bashkuara të Amerikës, Bill Clinton sot feston 73 vjetorin e lindjes. Në këtë ditë i urojmë shëndet njeriut, i cili përjetësisht do të mbetet në kujtesën dhe historinë botërore për kontributin e dhënë për lirinë dhe pavarësinë e Kosovës”, ka shkruar Thaçi në Facebook. /Telegrafi/
