Oda Ekonomike e Kosovës (OEK), i ka ndarë mirënjohje ambasadorit të Britanisë së Madhe në Kosovë, Ian Cliff, për kontributin e dhënë në zhvillimin e marrëdhënieve në mes të dy vendeve dhe bizneseve të tyre, për aq vite sa ka qëndruar në Kosovë.
Kjo mirënjohje iu nda nga kryetari i Odes Ekonomike të Kosovës, Safet Gerxhaliu, i cili u shpreh i kënaqur dhe falënderues ndaj ambasadorit të Britanisë së Madhe, i cili tha se ka dhënë kontributin e duhur për forcimin e partneritet në mes Republikës së Kosovës dhe shtetit të tij.
Ai po ashtu tha se Cliff meriton më shumë se një mirënjohje.
Ian Cliff tha se ata ia dedikon Qeverisë dhe shtetit të cilin e përfaqëson ai. “Ishte kënaqësi e madhe të bashkëpunonte me odën ekonomike, pasi që ardhmëria e Kosovës është e garantuar vetëm nëse mbështetet sektori privat”. /Telegrafi/