Mbrëmë janë zhvilluar gjashtë ndeshje në ligën më të fortë të basketbollit në botë.
Cleveland Cavaliers tashmë pothuajse është e sigurt se nuk do të merr pjesë në fazën e “paly-off” të NBA-s.
Por, kalorësit kanë arritur të befasojnë një prej skuadrave pretendente për titullin e kampionit, Toronto Raptors duke e mposhtur me rezultat 126:101.
Vendasit për asnjë moment nuk e vënë në dyshim fitoren e tyre duke triumfuar në çdo periudhë të ndeshjes.
Basketbollisti më efikas te Cavaliers ishte Collin Sexton me 28 pikë gjersa turku Cedi Osman shtoi 18 sosh.
Te mysafirët më i dalluari në parket ishte Kawhi Leonard me 25 pikë ndërsa Pascal Siakam shtoi 15 pikë.
Pas kësaj, Toronto vazhdon të mbetet në pozitën e dytë të renditjes tabelore të Konferencës Lindore ndërsa Clevelandi në të 14-tën. /Telegrafi/
Rezultatet tjera:
Washington 121:115 Sacramento
Brooklyn 103:75 Detroit
Houston 118:106 Charlotte
Utah 89:98 Oklahoma City
L.A. Clippers 140:115 Boston
