Derisa konflikti në Ukrainë ende po vazhdon, aspekti ekonomik në rendin global është një temë diskutimi. Për këtë, emisioni “7 Ditë me Panxhën” ka prezantuar disa të dhënë mbi rëndësinë ekonomike që Ukraina ka.
E për ndikimin e konflikteve në ekonomi në studio është bashkëbiseduar me Muhamet Mustafën, profesor në Institutin RIINVEST. Kurse për marrëdhëniet ekonomike Kosovë-Ukrainë dhe impaktin potencial që konflikti në këtë të fundit mund ta ketë në ekonominë kosovare, “7 Ditë me Panxhën” ka përgatitur një storie.
Pjesa e dytë e emisionit i kushtohet tregjeve kapitale dhe rëndësisë që ato kanë në zhvillimin ekonomik të një vendi.
Një shpjegim i thellë se çka janë tregjet kapitale dhe një intervistë me Florin Aliun, profesor në UBT për Tregjet Financiare, janë ato që “7 Ditë me Panxhën” ka trajtuar në episodin e sotëm.
Nuk mungojnë as lajmet javore për ekonomi, andaj sonte prej orës 20:45 ju ftojmë ta ndiqni “7 Ditë me Panxhën” në Klan Kosova dhe në Youtube. /Telegrafi/