Basketbollisti amerikan, CJ McCollum dhe Portland Trail Blazers kanë rënë dakord të zgjasin marrëveshjen mes tyre edhe tri sezone të tjera të NBA-s.
Zgjatja e kontratës, e cila fillon me sezonin 2020/21, do t’i sjellë basketbollistit të ardhura 100 milionë dollarë.
Sezonin e kaluar, 27-vjeçari ishte lojtar kryesor i Portlandit në gjysmëfinalen e Konferencës Perëndimore kundër Denver Nuggets, kur shënoi 37 pikë në ndeshjen e shtatë vendimtare dhe e dërgoi Trail Blazers në finalen e konferencës.
Trail Blazers humbi kundër Golden State Warriors në finalen e konferencës dhe do të përpiqet sërish të futet në luftë për titull me ndihmën e McCollumit dhe Damian Lillard në sezonin e ri.
Kujtojmë se Lillard zgjati kontratën për katër sezone, ku do të arkëtojë 196 milionë dollarë.
Ndryshe, sezoni i ri i basketbollit amerikan do të startojë gjatë muajit shtator dhe pritet të përfundojë në muajin prill të 2020. /Telegrafi/