Me përhapjen dhe përsosjen e teknologjisë së internetit gjithnjë e më shumë qytetarët bëjnë prodhime mediatike online. Për këtë shkak Civil-Qendra për liri ka organizuar seminar për trajnim të gazetarëve qytetarë. Kryetari i Civil-it Xhabir Deralla tha gazetaria qytetare inkurajon debat publik dhe forcon kulturën qytetare në Maqedoni, njofton tv21.
Gazetarët qytetarë sot patën shansin të mësojnë për shkathtësitë e të informimit dhe t’i mësojnë më shumë për përdorimin e aparateve të ndryshme që ndihmojnë për raportimin e lajmit. Hulumtimet e Civil-it tregojnë se gazetaria qytetare ka marrë hov të madh në Maqedoni ndërkaq në botë gazetaria qytetare është e përhapur në instanca më të mëdha duke pas një ndikim të madh në shoqëri. /Telegrafi/