Pep Guardiola po synon ta përforcojë repartin e mbrojtjes te Manchester City për edicionin e ardhshëm.
Mbrojtja ka qenë reparti që ka çaluar më së shumti këtë edicion tek kampionët në fuqi të Anglisë dhe Guardiola është i vetëdijshëm për këtë.
Kësisoj trajneri spanjoll ka kërkuar nga drejtuesit e klubit transferime të reja në repartin defensivë.
Talenti francez i Olympique Marseille, Boubacar Kamara është në shënjestër të Cityt.
20-vjeçari ka bërë një sezon të madh me fanellën e gjigantit francez dhe ka zgjuar interesimin e skuadrave të mëdha.
Mediat franceze kanë raportuar se në zyrat e Marseilles tani ka mbërritur oferta e parë nga Manchester City.
Kampioni në fuqi anglez ka ofruar 32 milionë euro për Kamaran, ofertë që nuk është pranuar nga Marseille.
Skuadra nga Stade Veledrome ka kërkuar nga Citizens të ngrit edhe për disa milionë euro ofertën e tyre.
Marseille synon që nga shtija e Kamaras të fitojë mbi 40 milionë euro. /Telegrafi/