Manchester City është rikthyer te fitorja në Ligën Premier, pasi ka mposhtur Wolverhampton Wanderers në udhëtim me rezultat 0-3.
Kampioni në fuqi i Anglisë e nisi për mrekulli ndeshjen ku vetëm pas një minute kaloi në epërsi.
Kevin de Bruyne bëri një asistim fantastik për Jack Grealish i cili realizoi për 0-1.
It took just 55 seconds to take the lead 💨
🐺 0-1 🔵 #ManCity pic.twitter.com/8voRkkCFFl
— Manchester City (@ManCity) September 17, 2022
City nuk u ndal dhe 15 minuta më vonë Erling Haaland shfrytëzoi një asistim nga Bernardo Silva duke ngritur epërsinë e ekipit të tij në 0-2.
Puna për Cityn u lehtësua edhe më shumë në minutën e 33-të, kur Collins bëri një ndërhyrje të tmerrshme në Grealish dhe gjyqtari e përjashtoi nga loja me karton të kuq.
Me epërsinë prej dy golave 0-2 për Cityn përfunduan 45 minutat e para të kësaj sfide.
City vazhdoi dominimin edhe në pjesën e dytë, ku shënoi edhe një gol për fitoren.
Foden on the scoresheet.
🐺 0-3 🔵 #ManCity pic.twitter.com/KcZZLmuaJI
— Manchester City (@ManCity) September 17, 2022
Ishte minuta e 69-të e ndeshjes kur Kevin de Bruyne bëri një tjetër asistim e Phil Foden u përkujdes për ta dërguar atë në rrjetë për rezultatin përfundimtar 0-3.
FULL-TIME | 3 goals and 3 points on the road ⭐️
🐺 0-3 🔵 #ManCity pic.twitter.com/on7oaUqVvf
— Manchester City (@ManCity) September 17, 2022
Me këtë fitore City ngritët në vendin e parë me 17 pikë të tubuara, derisa Wolves mbetet në vendin e 16-të me vetëm gjashtë pikë. /Telegrafi/