Manchester City ka fituar me shumë vështirësi ndaj Wolverhampton Wanderers 1-0.
Skuadra e Pep Guardiolës ka vuajtur shumë për të marrë tri pikët në këtë sfidë dhe këtë e arriti vetëm falë një penalltie.
Përkundër dominimit nga City, pjesa e parë u mbyllë me rezultat të barabartë 0-0.
Vlen të theksohet se në minutën e fundit të pjesës së parë, mysafirët mbetën me 10 futbollistë në fushë pas përjashtimit të Raul Jimenez.
Dominimi i Cityt vazhdoi edhe në pjesën e dytë, kur në minutën e 65-të fituan një penallti.
I saktë nga pika e bardhë u tregua Raheem Sterling që shënoi për 1-0.
Deri në fund më gola nuk pati dhe City mori një fitore shumë të vlefshme.
Me këto tri pikë, City vazhdon të mbetet lider në Ligën Premier me 38 pikë, katër më shumë se Chelsea që ka një ndeshje më pak. /Telegrafi/