Cineplexx organizon eventin Dita e Familjes me filmat Tom and Jerry dhe Soul, ku do të ketë aktivitete të ndryshme për fëmijë

Këtë vikend, më 6 dhe 7 mars, në të dy kinematë, në Prishtinë dhe në Prizren, Cineplexx organizon eventin Dita e Familjes me filmat Tom and Jerry dhe Soul, ku do të ketë aktivitete të ndryshme për fëmijë.

Këtë vikend, më 6 dhe 7 mars, në Cineplexx organizohet sërish një event “Dita e Familjes”, por kësaj rradhe jo vetëm filmi Tom and Jerry, por edhe filmi tjetër i animuar, Soul, do të jetë pjesë e eventit. Nga ora 11:30 të gjithë fëmijët i presin aktivitete të ndryshme, ku do të jenë maskotat e personazheve më të dashura për fëmijë, Tom and Jerry, si dhe do të ketë aktivitete të ngjyrosjes në fytyrë për fëmjë.

Filmi Tom and Jerry zbulon se si Tom dhe Jerry takohen dhe formojnë rivalitetin e tyre. Ndërsa filmi Soul, është një film i animuar nga Disney i cili flet për një muzikant që ka humbur pasionin e tij për muzikë, i cili transportohet nga trupi i tij dhe duhet të gjejë rrugën e kthimit me ndihmën e një shpirti të një foshnje që gradualisht fillon të mësojë për veten e saj.

Fokusi kryesor i këtij eventi do të jetë pikërisht shfaqja e këtyre filmave të animuar dhe aktivitetet për fëmijë, që zgjasin deri në ora 16:00.

Për më tepër informata rreth eventit dhe orareve vizitoni webfaqen e Cineplexx Kosovo, ndërsa biletat mund t’i bleni përmes aplikacionit apo direkt në kinema prej orës 11:30.