Ky hulumtim i NASA-s ka treguar se cilat qytete evropiane do të përmbyten të parat për shkak të ngrohjes globale
Grenlanda është e para që në këtë shekull që do të humbë më shumë akull se në cilëndo periudhë tjetër të holocenit, periudhë prej 12.000 vjetësh gjatë së cilës ka lulëzuar civilizimi njerëzor, shkruan nationalgeographic, përcjell Telegrafi.
“Shkrirja e akullit në Grenlandë mund të rrisë nivelin e detit për 7,6 metra, gjë që do të jetë shkatërruese për zonat bregdetare në gjithë planetin”, ka thënë vitin e kaluar oqeanografi i Agjencisë NASA, Josh Willis.
Për të konstatuar seriozitetin e problemit, NASA ka shpikur një vegël me ndihmën e së cilës mund të parashikohet se cilat qytete do të jenë të përmbytura për shkak të shkrirjes së akullit.
Shkencëtarët me këtë “formulë” kanë llogaritur veprimin e gravitacionit të Tokës dhe rotacionet e saj në mënyrë që të parashikonin se si uji do të “rishpërndahet” në gjithë botën.
“Për secilin qytet vegla jep pasqyrën e qartë se cilat akullnaja janë me rëndësi të veçantë”, ka deklaruar njëri ndër shkencëtarët që mori pjesë në hulumtim.
Ndryshimet në Grenlandë ndikojnë në gjithë planetin, sepse miliarda tonë akulli të shkrirë do të ngrenë nivelin e detit në Australi, Azi, Evropë dhe SHBA.
Ndërkaq, tani ky hulumtim ka treguar që nga shkrirja e sipërfaqeve të mëdha të akullit në pjesën perëndimore të Grenlandës në Evropë duhet të kenë kujdes Londra, Dubrovniku, Tromse (Norvegji), Oslo, Athina, Sirakuza, Marsej, Gjibraltari dhe qyteti Brest në Francë. /Telegrafi/
