Ndryshimet që Hamasi ka kërkuar për një propozim armëpushimi përfshijnë tërheqjen e plotë të trupave izraelite nga Gaza, ka njoftuar një udhëheqës i lartë i grupit militant.
Gjithashtu, zyrtari i Hamasit tha se grupi po kërkon që një numër prej 100 palestinezësh me dënime afatgjata të lirohen nga burgjet izraelite.
Bëhet e ditur se Hamasi ka kundërshtuar përjashtimin nga dokumenti izraelit të 100 të burgosurve palestinezë me dënime të larta.
Ai ka kundërshtuar gjithashtu kufizimin e afatit për lirimin e të burgosurve me dënime të larta deri në jo më shumë se 15 vjet, shkruan skynews, përcjell Telegrafi.
“Nuk ka ndryshime të rëndësishme që sipas udhëheqjes së Hamasit, të kundërshtohen”, tha zyrtari.
Ndryshe, Sekretari amerikan i shtetit, Antony Blinken, tha se ndërmjetësit do të vazhdojnë të përpiqen të arrijnë një marrëveshje armëpushimi, pasi Hamasi propozoi ndryshime të shumta në një propozim të mbështetur nga SHBA.
Kjo vazhdimësi thuhet se po i mban gjallë shpresat për një marrëveshje që mund t’i japë fund një lufte që ka shkatërruar Gazën.
Siç raportohet, propozimi i armëpushimit ka mbështetje globale, por nuk është përqafuar plotësisht nga Izraeli dhe Hamasi. /Telegrafi/