Qeveria e Zelandës së Re ka shpallur gjendjen e jashtëzakonshme, pasi cikloni Gabriel shkaktoi vërshime, rrëshqitje të dheut dhe dallgë të mëdha.
“Moti është i paprecedentë dhe po ndikon në një pjesë të madhe të ishullit”, tha ministri i Menaxhimit të Emergjencave, Kieran McAnulty, transmeton Telegrafi.
Një gjendje e jashtëzakonshme kombëtare është shpallur vetëm dy herë më parë – pas tërmetit me magnitudë 6.3 në Christchurch në 2011, dhe në ditët e para të pandemisë së coronavirusit.
Stuhia shkaktoi dëme të mëdha në të gjithë ishullin. Ajo “mori me vete” rrugët dhe urat dhe përmbyti periferitë e qyteteve të mëdha.
Zyrtarët thanë se të paktën 225 mijë njerëz kanë mbetur pa energji elektrike. Pothuajse një e treta e 5.1 milionë banorëve të Zelandës së Re jetojnë në zonat e prekura nga stuhia, e cila përfshin Auckland, qytetin më të madh.
E në rrjetet sociale janë publikuar video të ndryshme që tregojnë fuqinë e këtij cikloni shkatërrues. Në një video uji “merr me vete” urën që banorët e shfrytëzonin. /Telegrafi/
Brookfield bridge in Hastings washed away. #CycloneGabrielle #NewZealand #Emergency #Cyclone #Gabrielle pic.twitter.com/4nZVABJPCw
— News Update (@ChaudharyParvez) February 14, 2023
FLASH: New Zealand has declared a National State of Emergency as Cyclone Gabrielle has caused widespread flooding, landslides, and ocean swells across the island. This is the third National Emergency in NZ's history (2011 earthquake and COVID-19 pandemic).pic.twitter.com/JmyxLitPiQ
— Steve Hanke (@steve_hanke) February 13, 2023