Një video e publikuar së fundmi në internet, shfaq momentin kur një çikliste humb durimin dhe nuk respekton dritën e kuqe të semaforit dhe kalon rampën për të lëvizur nëpër urën që po palosej në Winsconsin.
Videoja është filmuar nga kamerat e sigurisë të Departamentit të Transportit në Winsconsin. Në fillim të videos shfaqet një grua 37-vjeçe duke vozitur biçikletën mbi urë, duke mos respektuar rregullat e komunikacionit – veprim ky që për pak sa nuk i kushtoi me jetë, transmeton Telegrafi.
Ajo rrëzohet në hapësirën ku po palosej ura dhe po të mos ishin kalimtarët e rastit që vrapuan për ta ndihmuar, sigurisht se do ta pësonte me jetë.
Autoritetet përkatëse kanë njoftuar se kjo grua e paidentifikuar është trajtuar në spital për lëndime në fytyrë. /Telegrafi/
