Ky është një moment rrëqethës, kur një çiklist filmon veten duke shijuar në maksimum adrenalinën që ia jepte vozitja nëpër një pistë të sajës.
Antoni Villoni kishte vendosur kamerë në helmetë derisa po bënte akrobacione me biçikletë në Villard des Lans në Francë, transmeton Telegrafi.
28-vjeçari lëshohej me shpejtësi marramendëse në pistën njëmijë metërshe të punuar nga betoni – që ishte përdorur gjatë lojërave olimpike dimërore të vitit 1968.
E sikur kjo të mos mjaftonte çiklisti kur arrin në sipërfaqet e rrafshëta, ai rrit shpejtësinë që të mos e humb ritmin.
E ka mjaftuar vetëm një lëvizje e pakontrolluar mirë, që ky i ri të përfundojë në spital me lëndime të rënda trupore. /Telegrafi/
