Një çift indian thuhet se zhvilloi martesën gjatë një fluturimi me më shumë se 160 të ftuar në bordin e një aeroplani për të shmangur rregullat e bllokimit.
Sipas DailyMail, përcjell Telegrafi, çifti i njohur si Rakesh dhe Dakshina – u martuan në bordin e një aeroplani SpiceJet me miqtë dhe familjen të dielën, pasi rezervuan një fluturim me qira nga qyteti i Madurai të Indisë.
Më shumë se 160 mysafirë ishin në bordin e Boeing 737 për të marrë pjesë në ceremoni dhe pamjet treguan njerëzit e mbushur në aeroplan, derisa numri zyrtar i viktimave si pasojë e COVID-19 në Indi arriti në 300 mijë.
Shteti i Tamil Nadu, nga ku u nis fluturimi, aktualisht është në masa kufizuese të bllokimit ku dasmat janë të limituara në 50 të ftuar.
Lidhur me këtë rast, autoritetet deklaruan se nuk ishin në dijeni për dasmën e realizuar gjatë fluturimit në aeroplan. /Telegrafi/
