E tëra filloi kur Paul shpëtoi një ujkonjë të plagosur. Paul e mori me vete këlyshin e quajtur Shadow Paul në shtëpinë e tij në Studio City, në afërsi të Los Angelesit. Ai dhe bashkëshortja e tij e pëlqyen shumë dhe vendosën që të rrisin ujqit. Tash ata rrisin në shtëpi shtatë ujq.
Edhe pse duken si qenë të vegjël, Paul thotë se për dresimin e këtyre kafshëve iu janë dashur qindra orë për shkak të natyrës së tyre të egër.
“Është fakt se kur kafshët e egra jetojnë në kontakt me njerëzit, ata humbin frikën e tyre të lindur nga ta, sidomos nëse i ushqen dikush. Megjithatë, secila kafshë e madhe e cila jeton me gjueti, e posaçërisht ujku, është në gjendje ta vrasë njeriun”, thotë Paul.
Tash kur janë mësuar me jetën e tyre të pazakontë, ujqit jetojnë në harmoni me njerëzit dhe atë deri në atë masë sa që shpesh shtrihen nëpër karrige, divan bile edhe shtratin e dhomës së gjumit e konsiderojnë si të tyrin, shkruan “Daily Mail”. /Telegrafi/