Të gjithë ne ëndërrojmë një dasmë përrallore, diçka të jashtëzakonshme, në mënyrë që ta kujtojmë përgjatë gjithë jetës.
Një çift nga India si duket realizoi një gjë të tillë, duke u martuar 20 metra nën ujë në brigjet e Chennai, një qytet në jug të vendit.
Sipas BBC, përcjell Telegrafi, V. Chinnandurai dhe S. Swetha u veshën me rroba tradicionale dhe shkëmbyen kurora në një ceremoni Hindu.
Chinnandurai është një zhytës i licencuar, por gruaja e tij tashmë mori mësime si dhe ishte stërvitur me muaj përpara dasmës.
E gjithë ceremonia përrallore u regjistrua para se çifti të kthehej për të festuar me familjen dhe miqtë. /Telegrafi/