Drejtoresha e CIA-së, Gina Haspel, gjatë vizitës në Turqi, ka dëgjuar audio incizimin e gazetarit saudit Jamal Khashoggi, transmeton Reuters, duke iu referuar dy burimeve.
Përfaqësuesit e CIA-s dhe shërbimi informativ turk refuzuan të komentojnë vlerësimin e incizimit nga ana e Haspel, njofton mediumi britanik.
Arabia Saudite pas dy javë mohimi, pranoi të shtunën e kaluar se gazetari i Washington Post-it ishte vrarë brenda në konsullatë.
Mediat britanike dhe Al Jazeera raportuan së fundmi se trupi i masakruar i Khashoggi është gjetur në një pus në kopshtin e Konsullatës saudite në Stamboll. /kp/Telegrafi/