Chrissy Teigen është në pritje të fëmijës së dytë me muzikantin John Legend. Fëmija në pritje është djalë dhe pritet të lindë në muajin qershor.
Dhe modelja e famshme e ka vënë në plan të parë barkun e fryrë gjatë një fotosesioni në fundjavën që lamë pas.
32-vjeçarja ka shkëlqyer teksa ka pozuar me kostum larjeje në plazhin e Malibusë në Kaliforni.
Modelja, e cila ka një vajzë me këngëtarin fitues të çmimit Oscar, është pëlqyer për guximin për të pozuar në shtatzëni.
Kostumi i saj i larjes ishte ngjyrë ari, ndërsa ajo në asnjë moment nuk ka lejuar që shtatzënia ta pengojë në punën që bën si modele.
Seti fotografik është bërë në kuadër të fushatës reklamuese për kompaninë Becca Cosmetics.
Teigen është në lidhje me Legend që nga viti 2007 kur u njohën gjatë xhirimeve të videoklipit muzikor për këngën “Stereo”.
Çifti u fejua në vitin 2011, ndërsa u martuan në shtator të vitit 2013 në Como të Italisë. /Telegrafi/
