Chris Brown ka reaguar ndaj kritikave që ka marr për disa prej fotografive provokuese me fanset e tij, të cilat janë publikuar në Twitter.
Këngëtari 33-vjeçar ka pozuar në poza sugjestive seksuale me fansat që kanë blerë biletën VIP, shkruan DailyMail.
Chris i komentoi imazhet sugjestive në InstaStory, duke shkruar se fansat e tij janë arsyeja që ai ekziston, kështu që ai gjithmonë dëshiron ‘të bëjë gjithçka për ta’.
Takimi dhe përshëndetja e artistit me fansat përfshinte fotografi, me fansat që pozonin në poza sugjestive seksuale, si dhe me duart në të pasmet dhe kontakt shumë të ngushtë.
Chris shkroi në InstaStory se të gjithë artistët kanë pako VIP të biletave, ku zhvillohen takime në prapaskenë dhe ai nuk e ka bërë një gjë të tillë prej shtatë vitesh.
Duke shpjeguar se ai ka ‘tifozët më të lezetshëm në planet… Unë i vlerësoj dëshirat e tyre. Këto janë kujtime që do të zgjasin përgjithmonë. Ndryshe nga shumica e këtyre artistëve të çalë, që nuk duan të ketë as kontakt me sy me ta, njerëzit që bënë të mundur edhe një karrierë”.
Duke shtuar: “Unë ekzistoj vetëm sepse këta fansa panë diçka tek unë që nuk e kisha menduar kurrë se ishte e mundur. Kështu që unë bëj gjithçka për fansat e mi”.
Imazhet me fansat u bënë virale në Twitter të hënën në mëngjes.
Muajin e kaluar, TMZ raportoi se paketa VIP mund të kushtojë deri në 1000 dollarë për person.
Chris është aktualisht në turne me Lil Babyn; ata do të dalin në skenë të martën mbrëma në Cincinnati.
Turneu me 27 qytete po prezantohet nga Rolling Loud; Turneu i tij do të përfundojë më 27 gusht në Las Vegas.
Chris publikoi albumin e tij të 10-të të titulluar “Breezy” më 24 qershor.
Në prill, Chris mirëpriti në jetë fëmijën e tij të tretë, një vajzë të quajtur Lovely Symphani Brown me Diamond Brown, në janar.
Ai gjithashtu ka vajzën Royalty, shtatë vjeçe, me Nia Guzmanin dhe djalin Aeko Catori, dy vjeç, me Ammika Harrisin.
Chris më parë ishte në lidhje me Rihannan në vitin 2008, por lidhja përfundoi pasi ai e sulmoi atë; ata gjithashtu u takuan për herë të dytë nga janari 2013 deri në maj të atij viti. /Telegrafi/