“T’myti xhelozia” është titulli i këngës më të re, të cilën e ka publikuar reperi i njohur me emrin artistik Chill me Arushën.
Kënga është kompletuar edhe nga ana vizuale dhe është publikuar në kanalin e On Records në YouTube.
Vete reperi ka shkruar tekstin e kësaj kënge, e cila është realizim i producentëve të njohur, ZzapnChriss.
Produksioni Filmnation është kujdesur për anën vizuale dhe e ka xhiruar videoklipin muzikor.
‘Labeli’ On Records së fundmi ka qenë mjaft aktiv me projekte të reja muzikore, të cilat i kanë publikuar yjet që janë pjesë tij.
Më 20 shkurt, Rina Balaj e publikoi këngën “Ilegal”, klipi i të cilës ka kaluar 2.3 milionë shikimi për një javë.
Ditë më parë (15 shkurt), Fero e lansoi videon muzikore të këngës “Baba për ikona” që po ashtu është pëlqyer nga fansat e tij.
Fuego (“Ribery”) e Readi (“Duki”) janë reperët tjerë të këtij ‘labeli’ që kanë publikuar këngë gjatë muajit shkurt. /Telegrafi/
