Prodhimi i Chevrolet Camaro pritet të përfundojë brenda dy viteve të ardhshme, por kjo nuk e ka penguar kompaninë të vendosë makinën e saj ikonë të veturave me motorin më të madh të prodhuar ndonjëherë në SHBA.
I quajtur ‘COPO’ Camaro – për departamentin e porosisë speciale të Chevrolet ‘Central Office Production Order’ – veçoria kryesore e “coupes” me dy dyer është motori i tij V8 10.4 litra, i prezantuar në tetor të vitit të kaluar.
Fuqia e motorit të tij prej 10.4 litrash është më e madhe se dy motorë të kombinuar të Ford Mustang GT 5.0 litra ‘Coyote’ V8, dhe eklipson Dodge Viper 8.3 litra V10 si motori me kapacitet më të madh të prodhuar në SHBA.
Chevrolet pretendon se motori i tij ‘ZZ632’ ka fuqi maksimale prej 1004 kuaj fuqi dhe 1188 njuton metër fuqi rrotulluese – më shumë se dyfishi i prodhimit të Holden Commodore SS të fundit, i cili fuqizohej nga një motor V8 6,2 litra 407 kuaj fuqi dhe 570 njuton metër fuqi rrotulluese.
Megjithatë, ndryshe nga Commodore dhe Mustang, Chevrolet COPO Camaro nuk është në gjendje të regjistrohet në rrugë – përkundrazi fokusi i tij i vetëm është në përfundimin e një gare “drag” prej 400 metrave sa më shpejt që të jetë e mundur.
Garat “drag” në SHBA po përjetojnë një ringjallje, me Chevrolet, Ford dhe Dodge që ofrojnë makina të mbështetura nga fabrika dhe pjesë që mund të garojnë në klasën e NHRA’s Factory Stock Showdown.
Chevrolet COPO Camaro është gjithashtu në dispozicion me një motor 7.0-litërsh V8 normal ose një motor V8 5.7-litërsh me supermbushje, i cili e lejon atë të konkurrojë kundër Ford Mustang ‘Cobra Jet’ dhe Dodge ‘Drag Pack’ Challenger.
Në SHBA, Chevrolet kërkon që klientët të vendosin një depozitë prej 14 mijë eurove (15,000 dollarësh) për të siguruar një “hapësirë” për COPO Camaro, megjithëse kjo nuk ndryshon në varësi të madhësisë së motorit.
Chevrolet nuk liston një çmim për Camaro me 10.4 litra V8, megjithatë pritet se do të kushtojë më shumë se 94 mijë euro (100,000 dollarë).