Fitorja e gjashtë radhazi ka ardhur për Chelsean në Ligën Premier, derisa ‘viktima’ e radhës ishte rivali lokal Crystal Palace.
Chelsea e nisi më mirë ndeshjen duke rrezikuar qysh në minutat e para të kësaj sfide.
Ishte fillimisht amerikani Christian Pulisic që rrezikoi, por pa arritur qëllimin që të shënonte gol.
Në pjesën e parë dy raste të mira shënimi i takuan edhe kapitenit Willian, por as braziliani nuk e gjeti cakun, duke bërë që 45 minutat e para të përfundojnë me rezultat të bardhë 0-0.
Por shtatë minuta pas fillimit të pjesës së dytë, erdhi edhe goli i parë në këtë sfidë.
Willian asistoi për mrekulli te sulmuesi Tammy Abraham që realizoi lehtësisht për 1-0.
Edhe pas golit të parë Chelsea vazhdoi sulmet dhe në minutën e 79-të shënuan golin e dytë, ku realizues ishte Christian Pulisic.
Deri në fund të ndeshjes më nuk pati gola, ku Chelsea mjaftë mirë ruajti epërsinë dhe mori një tre pikësh të madh.
Për londinezët kjo ishte fitorja e gjashtë radhazi në elitën e futbollit anglez.
Me këtë fitore Chelsea ngjitet në pozitën e dytë në tabelë me 26 pikë, pesë më pak se lideri Liveprool. /Telegrafi/
1️⃣0️⃣ Premier League goals for the season…
What a season Tammy Abraham is having! 💫
🔵 #CFC #Chelsea #CHECRY pic.twitter.com/giNadBxiRz
— hazardinho__10 (@We_are_Chelsea_) November 9, 2019
Christian Pulisic goal Chelsea vs Crystal Palace 2-0 #CHECRY 🔵🔵pic.twitter.com/ekkLRtFqAO
— ZWODDEYT™ (@ZWODDEYT) November 9, 2019