Chelsea ka regjistruar fitore komode ndaj Portos (2-0) në sfidën e parë çerekfinale të Ligës së Kampionëve që u zhvillua në Sevilla tw Spanjws, ndërsa skuadra portugeze ishte në cilësinë e nikoqirit.
Të dyja sfidat çerekfinale ndërmjet këtyre dy skuadrave do të zhvillohen në Estadio Ramon Sanchez Pizjuan, për shkak të kufizimit të udhëtimeve si pasojë e pandemisë së coronavirusit.
Rastin më të mirë në minutat e para e pati lojtari i skuadrës portugeze, Mateus Uribe, por nuk e dërgoi topin në kuadratin e portës.
Në minutën e 32-të, Blutë e zhbllokuan rezultatin. Jorginho tregoi vizionin e tij për ta gjetur Mason Mountin, i cili e pranoi topin, u rrotullua shpejt, shkoi drejt portës dhe shënoi.
Porto pati dy raste të mira në gjysmën e dytë përmes Luis Diaz e Moussa Marega që nuk u shfrytëzuan, ndërsa më pas erdhi ndëshkimi.
Një gabim të skuadrës ‘vendase’ e shfrytëzoi Benjamin Chilwell, i cili e kaloi edhe portierin dhe e shënoi golin e dytë (85’).
Chelsea është në situatë shumë të mirë për t’u kualifikuar në gjysmëfinale, pasi Porto i ka pranuar dy gola në ndeshjen e zhvilluar në cilësinë e vendasit. /Telegrafi/
G⚽L DE CHELSEA‼️
👤 Chilwell ⏱️84'
🇵🇹 Porto 0️⃣🆚2️⃣ Chelsea 🏴#UCL
SUSCRIBITE A TELEGRAM ✅
Y mira todos los goles cuando quieras
▶️ https://t.co/0TV9WEoDZBpic.twitter.com/Fftv9mlt2o— El Forastero Deportivo ⚽ (@ElForastero1982) April 7, 2021