Dy klubet e mëdha angleze, Chelsea dhe Manchester City do të luajnë mes vete në ndeshjen derbi të javës së 19-të në Ligën Premier.
Blutë janë nikoqir të Qytetarëve në takimin e vlefshëm për javën e 19-të, takim i cili pritet të zhvillohet sonte (e enjte) në mbrëmje.
Vendi: Stamford Bridge
Koha: 21:00
Lajme rreth ekipeve
Chelsea
Chelsea do të jetë pa një numër të madh lojtarësh të ekipit të parë për këtë ndeshje shkaku i lëndimeve.
Edouard Mendy mund të rikthehet në stol, pasi nuk u përfshi në skuadër për ndeshjen e fundit ndaj Nottingham Forest.
Mateo Kovacicit mund t’i jepet një fanellë titullari, pasi doli nga stoli në barazimin me Forest, pas rikthimit të tij të vonshëm nga Kupa e Botës.
Man City
Ruben Dias do të mungojë për shkak të një dëmtimi të kofshës dhe mund të mungojë për disa javë.
Aymeric Laporte është në dyshim, për shkak të një problemi me shpinën.
Julian Alvarez mund të rikthehet në skuadër për këtë ndeshje, pas kthimit të tij të vonë nga Kupa e Botës.
Fakte
Man City ka barazuar në pjesën e parë dhe ka fituar në kohën e plotë në tri ndeshjet e fundit kundër Chelseat në të gjitha garat.
Ka pasur nën tri gola të shënuar në shtatë nga tetë ndeshjet e fundit të Chelseat në Ligën Premier.
Man City ka mbajtur portën e pastër në tri ndeshjet e fundit kundër Chelseat në të gjitha garat.
Chelsea ka shënuar nën tri gola në katër ndeshjet e fundit kundër Man City në të gjitha garat.
Man City ka fituar tri ndeshjet e fundit kundër Chelseat në të gjitha garat.
Analizë
Ky do të jetë takimi i dytë këtë sezon mes këtyre dy skuadrave, me Cityn që fitoi 2-0 në Kupën e Ligës në nëntor, dhe kjo është ndeshje parë këtë javë mes dy skuadrave, pasi të njëjtat takohen mes vete edhe në FA Cup këtë të diel.
Chelsea ka qenë në formë të dobët kohët e fundit, duke fituar vetëm një nga shtatë ndeshjet e fundit të ligës, më së fundi barazoi 1-1 me Nottingham Forest.
City, megjithëse është në vendin e dytë në këtë raund të ndeshjeve, ka fituar vetëm një nga tre të fundit në ligë, duke mbajtur portën e paprekur në shtatë ndeshjet e fundit të ligës. Ata vijnë në këtë lojë pas një barazimi 1-1 me Everton.
Me listën e gjerë të lëndimeve të Chelseat, City mund të marrë lehtësisht tre pikët nga ky takim i sotëm.
Formacionet e mundshme
Chelsea: Arrizabalaga; Azpilicueta, Koulibaly, Silva, Cucurella; Kovacic, Jorginho, Mount; Sterling, Aubameyang, Pulisic;
Man City: Ederson; Walker, Stones, Akanji, Cancelo; Gundogan, Rodrig, De Bruyne; Silva, Haaland, Grealish;
Parashikimi: Chelsea 1-3 Man City
/Telegrafi/