Chelsea ka shënuar një fitore shumë të vlefshme në udhëtim te Hull City me rezultat 2-0.
Skuadra e Antonio Contes është kthyer te fitoret në Ligën Premier, pas dy humbjeve radhazi, pasi kanë mposhtur 2-0 në udhëtim Hull Cityn.
Pjesa e parë e takimit foli më mirë për vendasit, të cilët nisën ndeshjen me një rast të mirë, ku provuan të shënojnë me Robert Snodgras në minutën e katërt, por pa sukses.
Hull City pati edhe një rast të miri shënimi në minutat shtesë të pjesës së parë, por goli iu mohua nga një super pritje e Thibaut Courtouis, ndërsa Chelsea në këtë pjesë nuk pati asnjë goditje në kuadratin e portës, teksa vlen të përmenden vetëm dy kartonët e verdhë.
Në pjesën e dytë, skuadra e trajnerit italian doli me fytyrë krejt tjetër duke u treguar më agresive dhe më e rrezikshme në kërkim të golit të epërsisë, ku provuan me Eden Hazard në minutën e 49-të dhe Diego Costan e N’Golo Kanten në minutën e 58-të, por pas sukses.
Megjithatë, goli i epërsisë nuk vonoi shumë, pasi erdhi vetëm tre minuta më vonë, ku mesfushori brazilian, Willian kaloi ‘Blutë’ në epërsi me një supergol të shënuar nga rreth 16 metra.
Chelsea gjeti edhe golin e dytë në këtë takim në minutën e 67-të, ku sulmuesi spanjoll, Diego Costa shënoi gjithashtu një gol të bukur për 2-0.
Deri në fund të takimit kishte edhe disa gjysmë-raste për skuadrën e Contes, por nuk u konvertuan në gol dhe kështu ndeshja përfundoi me fitoren e Chelseat me rezultat 2-0.
Pas kësaj fitore, Chelsea renditet e gjashtë me 13 pikë dhe në javën tjetër do të takohet me Leicesterin, teksa Hull City e sheh vetën në vendin e 15-të me vetëm shtatë pikë, ndërsa në ndeshjen tjetër ndeshet me Bournemouthin. /Telegrafi/
ويليان يسجل هدف التقدم للبلوز تشيلسي#البرازيل https://t.co/7VyNHja5By
— الكرة البرازيلية™ (@Brazil_newZ) October 1, 2016
Excelsa definición de Diego Costa, pero muy buena jugada de Nemanja Matić. #CFC pic.twitter.com/GMPSURAmwm
— CFC WORLD (@ChelseaFC_es) October 1, 2016