Site icon Telegrafi

Chelsea kalon në raundin tjetër të Carabao Cup, Nkunku me het-trik

Driton Gajraku

Chelsea ka kaluar në 1/8 e finales në Carabao Cup, pasi ka mposhtur thellë Barrow me rezultat 5-0.

Llogarinë e golave për Blutë e hapi Christopher Nkunku, që realizoi në minutën e tetë për 1-0, me një asistim brilant nga Joao Felix.

Sulmuesi francez realizoi edhe të dytën per Chelsean, kur shënoi për 2-0 në minutën e 15-të me një asistim të Malo Gustos.

Në minutën e 28-të, Blutë u ndihmuan nga portieri i Barrow për 3-0, Farman, që nuk arriti ta ndalonte goditjen e Felix nga gjuajtja e lirë, për ta futur topin në rrjetën e tij.

Pedro Neto realizoi golin e tij të parë në fanellën e Chelseat, pasi shënoi për 4-0 në minutën e 48-të, me asistimin e Mykhaylo Mudryk.

Në minutën e 75-të, Nkunku kompletoi het-trikun e tij, kur përfitoi nga gabimi i portierit kundërshtar që tentoi ta driblonte atë. /Telegrafi/

Exit mobile version